CCCLXIV.

1478, Juli 4. Breslau.

Bischof Rudolph von Breslau genehmigt einen zwischen dem Stifte und dem Dekan der Kreuzkirche zu Breslau getroffenen Zinstausch.

In nomine domini amen. Non mirandum est, si quando rationabiliter disposita in melius ordinentur cum testimonio scripturarum, id ipsum universorum directorem fecisse cognoscamus, ne ex huiusmodi dispositis successu temporis litium materie oriantur. Oportunum igitur iudicamus talia literis nostris autenticis roborari debere, quapropter nos Rudolphus dei gratia episcopus Wratislaviensis etc. ad perpetuam rei memoriam harum serie literarum innotesci volumus universis, quod in nostra, constituti presencia commendabilis vir magister Martinus Weynrich in decretis licenciatus reverendi patris et religiosorum virorum domini Erasmi abbatis necnon conventus monasterii Camencz ordinis Cisterciensis nostre diocesis sindicus et procurator, de cuius sindicatus et procurationis mandato nobis plena facta est fides ex una, et venerabilis vir dominus magister Georgius Freiberg decanus ecclesie collegiate sancte Crucis Wratislaviensis ex altera partibus quandam occasione decimarum necnon fertonum episcopalium ad ipsos dominum abbatem et conventum dicti monasterii necnon prefatum dominum Georgium Freiberg decanum ecclesie collegiate sancte Crucis Wrat. prefate spectantium inter se commutationem fecerunt, videlicet quod dictus magister Martinus Weynrich sindicatus et procurationis, quibus supra, nominibus, perpetue cessit et resignavit dicto domino Georgio Freyberg decano et suis successoribus decanis ecclesie collegiate sancte Crucis Wrat. fertones decimales in villa Elgoth necnon decimam campestrem in Gola et in Kydlyn similiter decimam in campis ac maldratas in mansis rusticalibus, quos et quas ex donatione quondam reverendi patris et domini, domini Henrici episcopi Wratislaviensis antecessoris nostri, habuerunt et possiderunt. Dictus vero magister Georgius Freyberg decanus ecclesie collegiate predicte suo et successorum suorum dicti decanatus nominibus de consensu capituli dicte ecclesie prefatis dominis abbati et conventui monasterii Camentz pro tempore existentibus redditus et census ad decanatum suum spectantes, quos in villis videlicet: Beyczan, Schrom, Dorrendorff, Wolfframsdorff, Slobtendorff et Reichensteyn temporali dominio dicto monasterio subiectis habuit, similiter assignavit et cessit perpetue de eisdem. Nobis igitur dicte partes humiliter supplicarunt; quatenus commutacionem et resignacionem huiusmodi sic, ut premittitur, inter ipsos factam auctoritate nostra ordinaria admittere, confirmare et ratificare dignaremur. Nos igitur Rudolphus episcopus prefatus attendentes, quod utrique parcium per huiusmodi commutacionem, maior utilitas accrescit, huiusmodi supplicacionibus inclinati resignacionem et commutacionem huiusmodi decimarum ac fertonum decimalium et redituum sic, ut premittitur, reciproce factas in omnibus suis clausulis, punctis et articulis ex certa nostra scientia admittimus, confirmamus et ratificamus dei nomine perpetuo per presentes, quibus in testimonium nostrum maius necnon dictorum dominorum capituli ecclesie collegiate sancte Crucis et magistri Georgii Freiberg decani sigilla ex certa scientia nostra et eorundem dominorum sunt subappensa. Actum et datum Wratislavie die quarta mensis Julii anno domini millesimo quadringentesimo septuagesimo octavo presentibus ibidem: honorabili et providis viris Martino Lehner canonico ecclesie collegiate sancte Crucis Oppoliensis, necnon Georgio Hartemberg ac Jeronimo Leffler civibus et mercatoribus civitatis Wratislaviensis et Arnesto Rudiger notario cancellarie nostre, qui presentia habuit in commisso testibus ad premissa fidedignis.

Or. Perg. An rothweissen Seidenschnüren hängt das stark verletzte grosse S. des Bischofs. Das Siegel des Kapitels fehlt, und war an schwarzbrauner Seidenschnur befestigt. An gleichfarbiger Seidenschnur hängt das S. des Georg Freiberg in grünem Wachs (rechtsschreitender Bär, darüber drei Kleeblätter. Umschrift: S . GEORGY . FREYBERG . DECANI . SCTE . CRUCIS.)

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.